لا حدا يزعل ويفكر قصدي شي انا بقصد بالكلام اغلب المنتديات العربية
1 - مدير المنتدى يعين صديقته المقربة مشرفة قسم (عالم حواء. لك سيدتي.عالم المرأة.....الخ)
ويعين صديقه المقرب مشرفا عاما او مشرف قسم من الأقسام الحيوية (وطبعا بيكون الصديق هاد جاهل وتقتصر مشاركاته على الكولكة وتمسيح الجوخ وكلو بلاطعمة ).
2-في المنتديات اللي متل الناس بيكون في شي اسمو تخصص أما في المنتديات العربية تخبيص واللي مابيعرف بيكتب قبل اللي بيعرف .
3-اذا اردت نموذجا عن الردود فهي كالتالي (مشكور .سلمت يداك . موضوع رائع . منور المنتدى . لأ وفوء هاد كلو بتلاقي واحد مشان مايقلب الكيبورد عربي بيكتبلك thanxxx وياريتها هيك بتنكتب .
هاد اذا لقيت ردود أصلاَ وبعض المنتديات بتحجب الوصلات او الملفات المرفقة لللأعضاء بس مشان يردو ع اساس أنو هاد الحل يعني .
4- معظم الوصلات مو شغالة لسبب أو أخر ومعظم الملفات المرفقة معطوبة فلا تعذب حالك بالتنزيل ........
5- بتلاقي عنوان مميز ولافت لموضوع هزيل وتافه .
6- بتلاقي أحد الأعضاء الخليجيين بمنتدى( الطلبات أو المساعدة....الخ ) قائلاَ : ابي شرح للبرنامج يالغالي لأني ما افتهمت وش الطريقة لأشتغل عليه ........ وطبعا بيكون البرنامج بسيط وسهل بس الغلط بالشوفير هههههه.
7-مواضيع مكررة ومابتعرف مين الكاتب الأصلي الكل بيسرق وبيحط الموضوع باسمو يعني بالعربي الفصيح جميع الحقوق منتهكة (ملطوشة ).
8-تلاحظ ردود كثيفة على مواضيع بعض العضوات مع ذكر أجمل تعابير الشكر والمديح وياريتها مواضيع قيمة .
بينما بتلاقي رجال مجهولين بيشتغلو من قلبهم ومالهم أي موقع اداري بالمنتدى ............ و يركز المدير في ردوده على مواضيع صديقته المقربة أو العضوات الجديدات ( لاتفهمونا غلط مشان يجذب ناس للمنتدى).
9- بتلاقي نشاط كبير بمنتدى (النكت . اضحك معنا .فرفشة .....الخ )وموت مطبق في المنتديات القيمة متل منتدى الدورات التخصصية .منتدى لغات البرمجة . منتدى التصميم .طبعا اذا وجدت بالأصل ).
10-وأكيد أكيد مارح تلاقي بكل منتدى عربي عضو مشكلجي أدي جريء وبيقدر يحكي هيك حكي .
-اذا كان في المنتدى 4 أو أكثر من العيوب السابقة. فألف مبروك أنت في منتدى عربي...
الأن أسأل كل عضو هل أنت في منتدى عربي ؟
كيف تعرف انك في منتدى عربي
العرض العادي
